ជាមួយបទពិសោធអាជីវកម្មបញ្ចាំជាង ៤០ឆ្នាំ នៅប្រទេសសិង្ហបុរី ឃែស យូ អាប់ បានពង្រីកអាជីវកម្មរបស់ខ្លួននៅក្នុងប្រទេសកម្ពុជាដោយមានការចូលរួមពីអ្នកវិនិយោគខ្មែរ និងសិង្ហបុរី។ មានហាងបញ្ចាំជាច្រើននៅក្នុង ប្រទេសកម្ពុជាប៉ុន្តែភាគច្រើនក្នុងចំណោមហាងបញ្ចាំទាំងនោះមិនត្រូវបានចុះបញ្ជីពាណិជ្ជកម្មត្រឹមត្រូវហាងបញ្ចាំមិនស្របច្បាប់ទាំងនោះមួយចំនួនធ្វើឱ្យប៉ះពាល់ដល់ហាងបញ្ចាំដែលមានអជ្ញាប័ណ្ណ និងអតិថិជនដោយសារតែភាពមិនច្បាស់លាស់នៃគោលការដាក់បញ្ចាំ លិខិត ស្នាម និងការប្រកួតប្រជែងមិនត្រឹមត្រូវ។ ក្រុមហ៊ុន ឃែស យូ អាប់ គឺជា ក្រុមហ៊ុនបញ្ចាំ ស្របច្បាប់ ទី៤ ដែលបានចុះបញ្ជីជាមួយក្រសួងពាណិជ្ជកម្មក្រោមស្លាកសញ្ញាឈ្មោះ ឃែស យូ អាប់ (Cash-U-Up Co.,Ltd) និងបានទទួលអាជ្ញាប័ណ្ណអាជីវកម្មទទួលបញ្ចាំ និងទិញ លក់ ទ្រព្យបញ្ចាំនិង អាជីវកម្មទទួលប្រាតិភោគដោយអនុប្បទាន លេខ 010សហវ.ឧហ ចុះថ្ងៃទី 31 ខែ មីនា ឆ្នាំ 2010 ពីក្រសួងសេដ្ឋកិច្ច និង ហិរញ្ញវត្ថុ។ ឃែស យូ អាប់ បានបើកឱ្យដំណើរការការិយាល័យកណ្តាលរបស់ខ្លួននៅទីក្រុងភ្នំពេញដែលមានអាសយដ្ឋានស្ថិតនៅអគារពាណិជ្ជកម្មកូរ៉េ ផ្លូវ លេខ 274 សង្កាត់ ទន្លេបាសាក់ ខណ្ឌចំការមន នៅថ្ងៃទី 01 ខែ កក្កដា ឆ្នាំ 2010 ជាមួយសេវាបញ្ចាំ រថយន្ត ម៉ូតូ គ្រឿង អលង្ការ សម្ភារៈ អេឡិចត្រូនិច ដែលមានអត្រាការប្រាក់ស្របតាមគោលការណ៍ដែលច្បាប់បានកំណត់ជាពិសេសការថែរក្សា សុវត្ថិភាព ទ្រព្យ បញ្ចាំ សម្រាប់អតិថិជន គឺជាឆន្ទៈដ៏ចំបងរបស់យើង។
ផ្តល់សេវាហិរញ្ញវត្ថុ ងាយស្រួល និងរហ័ស សម្រាប់គ្រប់គ្នា ដោយចូលរួមចំណែក ដល់ការអភិវឌ្ឍសេដ្ឋកិច្ច-សង្គម។
ឈានមុខគេក្នុងការបំលែងទ្រព្យទៅជាសាច់ប្រាក់ដោយធ្វើកិច្ចសហប្រតិបត្តិការក្នុងតំបន់។
ជួយឱ្យគ្រប់គ្នាទទួលបានប្រាក់ឆាប់រហ័សតាមរយៈការផ្តល់នូវដំណោះស្រាយហិរញ្ញវត្ថុសាមញ្ញប្រកបដោយសុវត្ថិភាពក្នុងរយៈពេលតែប៉ុន្មាននាទី!
